Прво Бугарите да влезат во Уставот па после договор: Петков преку „Катимерини“ ја бетонира позицијата на Софија кон Скопје

t

ПРВО БУГАРИТЕ ВО УСТАВОТ ПА ДОГОВОР Петков преку „Катимерини“ ја бетонира позицијата на Софија кон Скопје

Поддршка за европската перспектива на Македонија изразува премиерот на Бугарија Кирил Петков во интервјуто за грчкиот весник „Катимерини“, но додава дека потребно е, прво да се решат одредени прашања, како што е почитување на правата на Бугарите во Македонија со гаранции во Уставот, јави дописничката на МИА од Атина.

– Ние сме за европската перспектива на Македонија, како и на Албанија. Но, постојат одредени работи што треба прво да се решат, како што е почитувањето на правата на Бугарите во Македонија, со гаранции во рамките на Уставот. Имаме план и многу добра комуникација со Владата на Македонија и се надеваме дека брзо ќе одиме напред – рече бугарскиот премиер.

Говорејќи за енергетската соработка со Грција, во интервјуто за грчкиот весник, Петков вели дека по последните случувања „потребна е поголема диверзификација на енергетските извори“ и на тоа тесно работат со грчката Влада, а целта, како што рече е, „да се зајакнат енергетските поврзувања на двете земји преку гасоводот IGΒ, за Бугарија да има пристап до гасот од Азербејџан, но и до резервите на течен природен гас LNG во Александруполи“.

Во однос на перспективата за билатерален договор за снабдување со нуклеарна енергија од Бугарија за Грција, бугарскиот премиер објаснува дека на Грција ѝ е потребна поевтина струја, а Бугарија има нуклеарна енергија, па така двете земји можат да работат заедно „градејќи долгорочни односи преку создавањето нуклеарна централа, со взаемна корист, во област која е значајна алтернатива за недостигот на енергија во нашиот регион“.

Тој додаде дека во оваа фаза се разгледуваат потенцијалните добавувачи и се спроведува студија, по што ќе бидат доставени конкретни предлози до Грција и во период од 12 месеци би можело да постои јасна слика за целиот проект.

ПОВРЗАНИ ВЕСТИ

Последен ден од референдумите во Украина: На…

На териториите на самопрогласените републики Луганск и…

Партиите тврдат: Владејачкото мнозинство и Владата се…

Партиите од владејачкото мнозинство тврдат дека нема…

Планетата спасена: Вселенското летало на НАСА успешно…

Американската вселенска агенција (НАСА) доцна синоќа со…

Независно судство: САД ја санкционираше шефицата на…

Шефицата на Обвинителството во Босна и Хергцеговина,…

(Видео) Жестоко на трибините: Романците им скандираа…

Немири во Романија: Навивачите скандираа „Србија, Србија“,…