Прекршочни пријави за угостителски објекти во Охрид: Примале малолетници по полноќ

Полицијата поднесе прекршочни пријави против два угостителски објекти во Охрид, бидејќи дозволиле присуство на малолетници во клубовите по полноќ.

„Вчера во периодот од 00.50 до 02,20 часот, при извршени контроли по угостителски објекти во Охрид, полициските службеници во два објекти затекнале 15 малолетни лица на кои им било овозможено присуство по 24 часот“, соопшти Министерството за внатрешни работи.

Од МВР велат дека по целосно документирање на случаите, против правните субјекти ќе бидат поднесени пријави според член 21 од Законот за прекршоци против јавниот ред и мир, каде е предвидена глоба од 2000 евра во денарска противвредност.

Share on Facebook

Tweet

Follow us

Save