Пукање во германски универзитет, има повредени

Вооружен маж денеска отвори оган во германска предавална, при што повреди неколку лица.
Маж вооружен со пиштол застрелал повеќе луѓе на универзитетот во градот Хајделберг, југозападна Германија, соопшти полицијата.
Самиот напаѓач е мртов, изјавија официјални лица, додека специјалните единици на командоси на СЕК и полицајци го преплавија Нојенхајмер Фелд, област на градот што се состои главно од згради поврзани со Универзитетот во Хајделберг.
Сторителот отворил оган во предавалната и повредил неколку лица пред да го сврти оружјето кон себе, објавија весникот Билд и новинската агенција ДПА, повикувајќи се на полициски извори.
Прес-службата на Универзитетот во Хајделберг одби да даде какви било детали за инцидентот и ги упати сите прашања до полицијата.
Хајделберг се наоѓа јужно од Франкфурт и има околу 160.000 жители. Нејзиниот универзитет е еден од најпознатите германски.
Германија во последниве години беше погодена од серија напади, главно извршени од џихадисти или екстремно десничарски милитанти.
Сепак, пукањата во училиштата се релативно ретки во Германија, земја со некои од најстрогите закони за оружје во Европа.
ПОВРЗАНИ ВЕСТИ
Германија и Велика Британија стојат силно зад…
Британскиот крал Чарлс Трети синоќа на свечената…
Мулти-култи: Германија ќе дозволи бракови на малолетници…
Сојузниот уставен суд на Германија денеска пресуди…
Чарлс Трети утре ќе ја посети Германија
Со највисоки почести и силни безбедносни мерки…
И Пендаровски се сретна со германската МНР:…
Претседателот Стево Пендаровски ја прими Аналена Бербок,…
(Вознемирувачко видео) Врснички со часови мачеле 13-годишно…
Група девојчиња се осомничени дека со часови…