Рекорден број новозаразени со Ковид- 19 во две австралиски држави
![t](https://infomax.mk/wp-content/uploads/2021/12/korona-avstralija-1.jpg)
Австралиските држави Викторија и Квинсленд пријавија досега најголем број нови инфекции во последните 24 часа.
Во сојузната држава Квинсленд денеска се пријавени 1.158 новозаразени лица, што е првпат да се забележат повеќе од 1.000 случаи на инфекција во еден ден, но бројот на лица кои се лекуваат од Ковид-19 не е променет.
Во Квинсленд има повеќе од 4.000 активни случаи на инфекција, од кои 257 се со новата варијанта Омикрон.
Министерката за здравство на Квинсленд, Ивет Д’Ат рече дека патниците кои не се од таа земја повеќе нема да мора да прават контролен ПЦР тест пет дена по пристигнувањето. Таа, исто така, рече дека од десетици илјади луѓе кои неодамна ја преминале границата на таа земја, само 0,6 отсто биле позитивни на тестот за коронавирус на петтиот ден.
Државата Викторија денеска пријави 2.738 новозаразени лица, што го надмина претходниот рекорд од 2.297 заразени лица, од средината на октомври.
Во најнаселената австралиска држава Нов Јужен Велс, бројот на случаи на коронавирус е малку намален, но тоа се совпаѓа со помалку тестирани околу Божик. Државата денеска пријави 6.062 новозаразени, што е повеќе во однос на претходниот ден – 6.324.
Министерот за здравство на Нов Јужен Велс, Бред Азар изјави дека обврската за патниците од Квинсленд да направат негативен ПЦР тест 72 часа пред поаѓањето врши непотребен притисок врз местата каде што се врши тестот.
Австралискиот министер за финансии Џош Фрајденберг побара да се воведат брзи антигенски тестови за патниците кои патуваат меѓу австралиските држави наместо ПЦР тестови, кои се поскапи и бараат подолго време за да се добијат резултати.
ПОВРЗАНИ ВЕСТИ
Вучевиќ е позитивен на Корона, пред неколку…
Премиерот на Србија, Милош Вучевиќ е позитивен…
Хаос во цел свет: Откажани се летови,…
Голем број компании, банки, медиуми и авиокомпании…
Бајден позитивен на Ковид
Претседателот на САД, Џо Бајден, се тестираше…
Австралија ќе обезбеди рекорден пакет воена помош…
Австралиската влада ќе и го обезбеди на…
Грчките здравствени власти предупредуваат на наглото зголемување…
Властите во Грција предупредуваат на зголемено ширење…