Рејтингот на Бајден падна на рекордно ниско ниво

На Џо Бајден очигледно не му оди добро, бидејќи рејтингот на претседателот падна на 40 отсто – исто како на Доналд Трамп во средината на март од неговата втора година на функцијата.

Новата анкета на Ројтерс/Ипсос може да го онерасположи Бајден додека тој оди кон Европа. 54% од испитаниците не го одобруваат неговото владеење.

Спроведена онлајн во текот на два дена оваа недела, анкетата имаше речиси 100 повеќе испитаници демократи во споредба со републиканците – од нешто повеќе од 1 илјада кои одговориле на анкетата.

Гласачите ја гледаат економијата како најгорливо прашање, проследено со војната или странски конфликти. Високата инфлација и начинот на кој Бајден се справува со надворешната политика извршија зголемен притисок врз демократите пред средината на мандатот на Бајден подоцна оваа година.

Share on Facebook

Tweet

Follow us

Save