Рускиот патријарх Кирил се надева дека во наредната година ќе престанат „меѓународните судири“ на пространствата на историска Русија и ќе нема поделби во православието

Патријархот Московски и на цела Русија, Кирил во саботата навечер изврши новогодишна молитва во катедралата на Христос Спасителот, при што повика на молитви за избавување на Русија од надворешните непријатели и изрази надеж дека следната година ќе донесе мир.

„Ќе го молиме Господ да ни ја испрати Својата помош, за следната година да биде година на мир, да ја избави нашата Татковина, нашиот народ, нашата црква од надворешните непријатели, видливи и невидливи, за народот да има духовна сила наша, со задржување на верата, да ја зачуваме способноста да се спротивставиме на секое зло“, рече патријархот.

Тој, исто така, изрази надеж дека во наредната година ќе престанат „меѓународните судири“ на пространствата на историска Русија, ќе се обноват добрите односи меѓу земјите и народите и дека повеќе нема да има поделби во православниот свет. Тековните црковни расколи, според патријархот, биле директна последица на „опасни политички акции“, вклучително и оние насочени против Русија.

Патријархот додаде дека верата е „голема сила“ што го поврзува човекот со Бога.

Share on Facebook

Tweet

Follow us

Save