Само на Балканот сите се најдобри – Рама: Албанија е лидер во регионот за финансиско управување и јавна администрација

Албанскиот премиер Еди Рама денеска оцени дека извештајот од мониторингот на ОЕЦД/СИГМА со значајни факти ги докажува трансформациите на Албанија, позиционирајќи ја како водечка земја во регионот во јавните набавки, управувањето со јавните финансии, дигиталното управување, управувањето со човечките ресурси и јавната администрација.

За време на презентацијата на овој извештај, Рама изрази благодарност до СИГМА, која работи со податоци и факти од Западен Балкан и без сомнение е незаменлив извор на знаење.

„Несомнено е многу охрабрувачки што од овој несомнен извор на објективност и професионалност добиваме вакви позитивни оценки. Но, исто така е многу охрабрувачки што од истиот извор можеме да стекнеме знаење за тоа што останува да се подобри и да се реши“, рече Рама.

За претседателот на албанската влада, воспоставувањето јавна администрација достојна за обединето европско семејство не се само зборови, туку исклучително сложена вежба.

„Верувам дека да се биде во средината на Европа и да се има благослов да се биде Европеец со можност да се стане дел од ЕУ е дадено што гарантира оптимизам за иднината, што ретко кој може да го гарантира за „земјите со минато“ како нашето“, додаде Рама.

Албанскиот премиер оцени дека ЕУ и нејзините механизми се единствената движечка сила која на една земја како Албанија, со многу лоша традиција во однос на институциите и администрацијата, може да ги даде инструментите за остварување на оваа мисија.

Share on Facebook

Tweet

Follow us

Save