Седум лица се повредени, меѓу нив и дете, во сообраќајка на патот Кичево-Охрид

Кај кичевското селото Подвис пред полноќ се случи тешка сообраќајна незгода во која седуммина се повредени.

Од Министерство за внатрешни работи информираат дека на 30 јануари 2026 година, во 23:17 часот, на магистралниот пат Кичево–Охрид, во близина на кичевското село Подвис, се случила сообраќајна незгода помеѓу две патнички моторни возила.

Во незгодата учествувале патничко возило „рено“ со прилепски регистарски ознаки, управувано од Д.К. (51) од Прилеп, и патничко возило „џип“ со тетовски регистарски ознаки, управувано од Р.У. (33) од кичевското село Зајас.

Како последица на судирот, повредени се двајцата возачи, како и сопатниците од возилото „рено“ – О.А. (47) и М.Г. (55), двете од Прилеп, како и сопатниците од возилото „џип“ – Б.Ф. (45), Ј.Ч. (31) и едно шестгодишно малолетно лице, сите од селото Зајас.

Сите повредени лица биле пренесени во Општата болница во Кичево, каде што им биле констатирани телесни повреди.

Share on Facebook

Tweet

Follow us

Save