Се поврзуваат Бугарија и Србија: Започна изградбата на гасоводот меѓу двете земји
![t](https://infomax.mk/wp-content/uploads/2021/07/gasovod.jpg)
Во присуство на премиерката Ана Брнабиќ денеска почна изградбата на гасниот интерконектор меѓу Србија и Бугарија, на делот од трасата низ Србија, од Ниш до државната граница кај Димитровград. Крајниот рок за завршување е октомври 2023 година.
Министерот за енергетика на Бугарија Александар Николов, министерката за рударство и енергетика Зорана Михајловиќ, министерката за евроинтеграции Јадранка Јоксимовиќ, шефот на делегацијата на ЕУ во Србија Емеануел Зиофре, директорот на Србијагас Душан Бајатовиќ, како и претставници на Југоросгас и „Булгартрансгас“ и „Европска инвестициска банка“, објави РТС.
Дел од гасната интерконекција во Србија ќе биде долг 109 километри, а вкупната должина на двонасочниот гасовод низ двете земји е 170 километри, а ќе биде проектиран за капацитет од 1,8 милијарди кубни метри гас годишно.
Вкупната вредност на проектот е 85,5 милиони евра, од кои 25 милиони се заем од Европската инвестициска банка (ЕИБ), 49,6 милиони евра се грантови од ИПА фондот на ЕУ, а останатите 11 милиони евра ќе се обезбедат од српскиот буџет и средства на „Србијагас“.
Договорот за финансирање на гасоводот во мај минатата година го потпишаа министерот за финансии Синиша Мали и потпретседателката на ЕИБ за Западен Балкан Лилјана Павлов. Мали тогаш изјави дека интерконекторот е исклучително важен за граѓаните на Србија и е еден од приоритетните проекти на ЕУ за енергетско поврзување на Централна и Источна Европа.
Гасоводот треба да и обезбеди на Србија доволни количества гас за потребите на стопанството и населението, од различни извори на снабдување.
Проектот за изградба на магистралниот гасовод МГ10 Ниш-Димитровград опфаќа поставување на две гасоводи со големина DN700 за притисок од 55 бари, како и четири мерно-регулациони станици со придружни објекти.
Завршувањето на гасоводот ќе овозможи развој на мрежа за дистрибуција на гас во централна, источна и јужна Србија. Според првичниот план, изградбата на гасоводот требаше да започне кон крајот на минатата година, а да биде пуштен во употреба во 2023 година.
Идејата за изградба на гасовод до Бугарија е стара речиси три децении, а договорот за негова изградба беше потпишан во 2010 година.
ПОВРЗАНИ ВЕСТИ
Србија ќе изгради музеј во чест на…
Претседателот на Србија, Александар Вучиќ, денеска изјави…
Нови протести против ископувањето на литиум во…
Во Јагодина, Сремска Митровица, Инѓа и Книќ…
Вучиќ: Курти се обидува да предизвика војна
Претседателот на Србија, Александар Вучиќ обвини дека…
Протести ширум Србија: Граѓаните не сакаат ископ…
Во градовите ширум Србија вечерва се одржуваат…
В.д. директорот на Поштата на Србија: Продолжен…
В.д. директорот на Поштата на Србија, Зоран…