Сите училишта во Гостиварско не работат заради штрајкот на СОНК

t

Училишните клупи во сите основни и средни училишта во поширокиот гостиварски регион денеска се празни, откако околу 1.500 членови се приклучија на штрајкот на Самостојниот синдикат за образование, наука и култура (СОНК). Во Гостивар, градинките работеа со намален капацитет и денеска во занималните имаше стотина дечиња за кои се грижат вработените со договор на дело.

Потпретседателот на СОНК, Тафа Амети, денеска ги посети колегите во сите образовни институции во општините Гостивар и Врапчиште и се сретна со наставниот кадар кој беше на работа, но не одржуваше редовна настава.


– Штрајкот се спроведува во сто проценти и не се одвива настава. Засега немаме сознанија за притисоци и основачите-работодавачи се коректни. Сакам да искажам благодарност до родителите кои со тоа што не ги испратија децата на училиште ни изразија поддршка. Од нашите колеги добиваме информации дека врз нив не се врши притисок, освен мало недоразбирање околу времето за штрајк во општина Маврово-Ростуше, но тоа во текот на денот ќе се разјасни, рече Тафа Амети по посетата на ОУ „Исмаил Ќемали“ во Гостивар и напомена дека е ова прв штрајк кој е врз основа на барањата на членството и тие како раководство го организирале.

Во гостиварските градинки околу дваесетина лица не се во штрајк, бидејќи како рече Амети, тие не се нивни членови и разбирливо е зошто не се приклучија.

Според Амети денеска се во штрајк членовите од 25 образовни институции и две установи од ресорот на култура, каде СОНК има свои синдикални организации.

ПОВРЗАНИ ВЕСТИ

Јовановски: ЕУ не ја сака Македонија во…

Еден од коосновачите на мото-клубот „Ноќни волци“,…

Богоевски: Можно е да ги запреме преговорите…

Ваквите ставови на господинот Јовановски ми сугерираат…

Полјански кон Њујорк Тајмс: Азовците се предадоа…

Милитантите на националистичкиот баталјон Азов (против чии…

СПМ не се откажува: Да се направи…

Сметаме дека загинатите бранители во независна Македонија…

ДНР: Украински војници го положија оружјето и…

Петнаесет украински војници доброволно го положија оружјето…