Си-Ен-Ен повикувајќи се на свои извори: Путин би можел на 9 мај да објави војна и да покрене општа мобилизација
![t](https://infomax.mk/wp-content/uploads/2022/05/Putin-9-May-parade.jpg)
Рускиот претседател Владимир Путин би можел официјално да ѝ објави војна на Украина на 9 мај, што би овозможило целосна мобилизација на руските резервни сили, сметаат американските и западните претставници, пишува Си-ен-ен.
Официјалните лица веруваат дека едно сценарио е многу веројатно, а тоа е Путин официјално да ѝ објави војна на Украина на 9 мај. До денес, руските официјални лица инсистираат дека конфликтот е само „специјална воена операција“ со централна цел „денацификација“.
Според извештајот, западните функционери долго време веруваат дека Путин би можел да го искористи рускиот Ден на победата за да објави или воено достигнување во Украина, или ескалација на непријателствата, или дури и двете.
„Мислам дека ќе се обиде од својата специјална операција да премине во војна“, изјави британскиот министер за одбрана Бен Валас минатата недела за радио ЛБЦ.
Валас додаде дека „нема да биде изненаден доколку Путин на 9 мај изјави дека сега е во војна со светските нацисти и дека мора масовно да ги мобилизира Русите“.
Ако не оди со формална објава на војна, Путин може да ги анектира отцепените територии Луганск и Доњецк во источна Украина, се наведува во извештајот. Претходно во понеделникот, Мајкл Карпентер, американскиот амбасадор во Организацијата за безбедност и соработка во Европа, рече дека Вашинтон има „многу веродостојни“ разузнавачки извештаи дека Русија ќе се обиде да ги анектира Луганск и Доњецк „некое време во средината на мај“.
Исто така, постојат индикации дека Русија може да планира да прогласи „народна република“ во југоисточниот град Керсон и да ја припои, се наведува во извештајот. Дури и портпаролот на американскиот Стејт департмент Нед Прајс во понеделникот рече дека има „добра причина да се верува дека Русите ќе направат сѐ што можат за да го искористат“ 9 мај за да ја промовираат својата агенда.
ПОВРЗАНИ ВЕСТИ
Герасимов: Запрено е напредувањето на украинските сили…
Напредувањето на вооружените сили на Украина длабоко…
Рускиот опозициски активист: Украина е жртва на…
Рускиот опозициски активист Илја Јашин вели дека…
Во Брисел е нападнат амбасадорот на Азербејџан…
Амбасадорот на Азербејџан во НАТО и неговата…
Немаме сознанија, ќе го контактираме Киев –…
Соединетите Американски Држави планираат да ја контактираат…
Вечна им слава на ХЕРОИТЕ! 23 години…
И по 23 години од случувањата на…