Советот на Општина Софија бара бугарската влада да не го крева ветото за Македонија
![t](https://infomax.mk/wp-content/uploads/2022/01/sofija-bugarija.jpg)
Советот на општина Софија донесе декларација со која општинските советници ја повикаа Владата да не го крева ветото за почетокот на преговорите за Македонија за членство во ЕУ.
Советниците ги повикаа Советот на министри и пратениците во Народното собрание строго да се придржуваат до Рамковната позиција од 9 октомври 2019 година и одлуките на Парламентот и на Советот за национална безбедност во врска со проширувањето на ЕУ и пристапување на Македонија. Според нив, неприфатливо е да се отстапува од главните постулати што се утврдени во Договорот за добрососедство од 2017 година.
– По децении всадена омраза, репресија и прогон на луѓето со бугарски идентитет и по намерното фалсификување на нашата заедничка историја, со оглед на тековната антибугарска пропаганда во официјалните државни институции, во образовниот систем и во медиумите во РС Македонија, денес Бугарија е повикана да се изјасни и јасно да ја брани својата позиција. Водени од верувањето дека ЕУ е заснована на вредностите и принципите на почитување на човековото достоинство, слобода, демократија, еднаквост, владеење на правото и почитување на човековите права и добрососедството, не можеме да замижиме пред нивното очигледно непочитување од страна на Република Северна Македонија, особено кон луѓето со бугарски национален идентитет.
И покрај потпишувањето на Договорот за пријателство, не само што не беа запрени различните форми на дискриминација и „говор на омраза“ кон Бугарија и локалните граѓани со бугарски идентитет, туку тие опипливо се засилија – стои во декларацијата на Советот на Софија.
Се наведува и дека властите во Македонија намерно блокираат каков било напредок во работата на Заедничката историска комисија и дека одбиваат да ги прифатат содржината и значењето на терминот „заедничка историја“.
– Сите општи прослави на заедничките историски настани и херои намерно се спречени, а официјалните институции продолжуваат да се прикажуваат како исклучиво македонски, небугарски, а честопати и антибугарски. Затоа, ние, општинските советници на Советот на општина Софија, сметаме дека секаква поддршка за почеток на преговорите за членство на РС Македонија, без претходно утврдување на имплементација на сите точки, фази и услови утврдени во Рамковниот став на Бугарија, би било штетно за бугарските национални интереси. Непочитувањето и фалсификувањето на бугарскиот идентитет и јазик на голем дел од населението на географскиот регион Македонија во минатото е крајно неприфатливо за целиот бугарски народ и граѓаните на Софија, од кои повеќе од една третина имаат семејни корени од Бугарите од Македонија – се вели во декларацијата.
Се додава и дека денешното непочитување на граѓанските права на повеќе од 120.000 граѓани на Македонија кои добиле бугарско државјанство, докажувајќи и потврдувајќи го нивното бугарско потекло, е спротивно и на принципите на добрососедство и на основните европски вредности.
– Човековите права на македонските Бугари мора да се почитуваат и во минатото и денес. Тие мора да бидат гарантирани во иднина, вклучително и преку нивно вклучување како државотворен народ во Уставот на РС Македонија, што мора да се направи пред почетокот на преговорите за членство во ЕУ. Не може и не треба да се прави компромис со бугарската историја или правата на македонските Бугари денес – стои во декларацијата.
ПОВРЗАНИ ВЕСТИ
(Видео) Меџити: Иван Стоилковиќ не е важен…
Иван Стоилковиќ не е важен и не…
Многу гордо: Мицкоски договорил заедничка седница на…
Косово и Македонија ќе имаат заедничка владина…
Влада во Влада: Владините функционери од ВЛЕН…
Продолжува паралелното функционирање на членовите на Владата…
Радев го додели третиот мандат: Мала е…
Претседателот на Бугарија Румен Радев му ја…
Владата вели дека не го именувале Ибрахим…
„Постоеше предлог за именување на в.д. заменик…