INFOMAX.MK

Човек од Србија пред неколку дена се јавил во живо во контактна емисија и се заканил дека ќе ги убие сопругата и ќерката. Станува збор за емисијата „После ручек“ на телевизјата „Хепи“.

Човекот бил уапсен во текот на вчерашниот ден, пишува српски „Телеграф“.

Тој се вклучил во програмата во живо, се претставил како Милорад и изјавил дека сериозно размислува да ги убие сопругата и ќерката.

„Мислам да го направам тоа сериозно, одам во полиција и велам: „Е, сега е насилство“, рекол тој.

Водителката веднаш го прашала дали е свесен што кажал.

„Никогаш во животот не сум удрил. Тие повикаа полиција за семејно насилство и ме избркаа од мојот стан. Сега сум во старски дом, молев да ме примат“, рекол човекот.

Потоа водителката го замолила да се претстави со име и презиме, а тој го направил тоа.

„Сакам да го направам тоа од срце, сериозно размислувам да го направам тоа. Но, ако ја убијам жената, ќерка ми едвај ќе чека да го продаде станот, па повеќе би сакал да ги убијам двете“, додал тој.

Еден од гостите во студиото на гледачот му рекол дека е за хоспитализација и дека му е потребна помош.

Човекот додал дека е свесен за неговите зборови и дека тоа ќе го направи поради неправда.

По ваквите закани, полицијата го лоцирала гледачот и тој е уапсен