Средба Ѓорѓиевски-Арсовска: Сега имаме можност да ги евидентираме проблемите кои се во надлежност на Градот Скопје и да го забрзаме нивното решавање
![t](https://infomax.mk/wp-content/uploads/2022/01/arsovska_gorgievski_.jpg)
Денес се одржа координативен состанок со градоначалничката на градот Скопје, Данела Арсовска на кој се дискутираше за проблемите кои се под надлежност на градот, а присутни беа и претставници на јавните претпријатија и секторите при Град Скопје од една страна, како и претставници на урбаните и местните заедници од општина Кисела Вода.
„Радува фактот што сега има можност да се евидентираат проблемите кои се во надлежност на Градот Скопје во присуство на градоначалничката, но и на службите кои се одговорни за нивно решавање. На овој начин, ќе се забрза темпото на нивното решавање.“, изјави Ѓорѓиевски
Градоначалничката Арсовска на почетокот се заблагодари на ажурноста на нашата општина од која претходно ги доби како печатен материјал сите евидентирани проблеми.
Во своето излагање таа се осврна на повеќе од посочените проблеми и ги утврди насоките по кои тие ќе се решаваат. Потенцираше дека оваа средба е прва и дека вакви работни состаноци ќе бидат редовна пракса и ќе се одвиваат најмалку еднаш во месецот.
Настанот продолжи со работен состанок во кабинетот на Ѓорѓиевски, на кој се дискутираше околу динамиката на заедничките проекти кои во моментот течат на територија на општина Кисела Вода и планирање на следните заеднички чекори во насока на подобрување на жителите од овој дел на Скопје.
ПОВРЗАНИ ВЕСТИ
Тешка кражба во Скопје
Основното јавно обвинителство Скопје поведе постапка против…
(Видео) ЕКСКЛУЗИВНИ ДЕТАЛИ ЗА СКАНДАЛОТ НА СКОПСКИОТ…
Во вечерашната вонредна епизода на „Тешки муабети“…
(Видео) Андов: Ќе тужам за незаконското разрешување…
Ќе тужам поради незаконското разрешување од позицијата,…
Се намалува цената на парното во Скопје
Од први август скопјани ќе плаќаат пониска…
Денеска ќе знаеме колку ќе поскапи парното…
Регулаторната комисија за енергетика (РКЕ) денеска на…