Странските посетители на Албанија потрошиле 5,7 милијарди евра во 2025 година

Странските посетители на Албанија потрошиле 5,7 милијарди евра во 2025 година, што е зголемување од 15 проценти во споредба со 2024 година, објави „Албаниан дејли њуз“, повикувајќи се на статистика за платниот биланс од централната банка на земјата, Банката на Албанија.

Сепак, во споредба со претходните години, растот на странската потрошувачка во Албанија на годишна основа е забавен, со 19,6 проценти во 2024 година и 47 проценти во 2023 година.

Други статистики од албанскиот статистички институт ИНСТАТ, цитирани од медиумите, покажуваат дека во 2025 година, бројот на странски државјани што ја посетиле Албанија изнесувал 12,46 милиони. Ова претставува најниско годишно зголемување на странските посетители од пандемијата COVID-19 – 6,3 проценти, во споредба со зголемување од 34,6 проценти во 2024 година и зголемување од 15,2 проценти во 2023 година.

Share on Facebook

Tweet

Follow us

Save