Страшна несреќа на експресниот пат Штип – Радовиш: Се судрија четири возила

Попладнево четири возила, од кои три патнички и едно товарно, се судрија на експресниот пат Штип – Радовиш.

Од СВР – Штип ја потврдија сообраќајната несреќа без да соопштуваат подетални информации, со оглед што на лице место сè уште трае увидот и утврдувањето на околностите поради кои дошло до судирот.

Според првичните сознанија во сообраќајката нема загинати лица, а движењето на другите возила не е во прекин, односно сообраќајната полиција ги пренасочува.

Подетални информации се очекуваат по завршувањето на увидот.

Share on Facebook

Tweet

Follow us

Save