Судењето за наставникот кој претепа ученик со боксирач е закажано за 14-ти јануари

t

Судскиот процес, против професорот по англиски јазик од струшката „Ибраим Темо“, кој неодамна со железен боксирач нападна ученик во училишниот тоалет, започнува на 14 јануари а продолжена му е и мерката притвор на дополнителни 30 дена.

„Како сведоци за сега се предложени тројца ученици, кои биле сведоци на самиот настан, а кои се повикани преку нивните родители,бидејќи станува збор за малолетни лица. Постои можност уште на првата расправа на 14 јануари, да бидат предложени дополнителни сведоци или докази, бидејки таква можност и стои на располагање и на одбраната“, изјави Ади Усени-судија.


Судијата Усеини вели дека ако нема предлог за сведоци и други докази, тогаш не се исклучува можноста уште истиот ден да заврши расправата по предметот, по што може многу бргу да биде донесена и пресуда.

Инаку Основното јавно обвинителство Струга на 30 декември, поднесе Обвинителен предлог против 57 годишниот професор, за сторено кривично дело – Насилство.

„Физичкиот напад следел по претходно влошени меѓусебни односи и вербална расправија. Притоа, обвинетиот замавнал со десната рака на која претходно го имал ставено железниот боксирач и го удрил оштетениот ученик во пределот на главата. Со преземените дејствија обвинетиот нанел телесни повреди кај оштетениот, извршил грубо насилство и во јавноста предизвикал чувство на несигурност“, велат од Основното јавно обвинителство.

Со оглед на тоа, што неколку години, професорот имал проблеми во односот со учениците и колегите,психолозите сметаат дека многу порано требало да се реагира,за да не дојде до сето ова.
„Требало да реагираат и тие органи и тела во самото училиште преку педагошко- психолошката служба, соработка со родителите од тоа дете, со директорот.Имаме и просветна инспекција по општините,така да сигурно дека требале да реагираат порано, дали реагирале и колку, не знам, но очигледно нешто не превзеле посериозно штом ова продолжило“, изјави Милован Србиноски-психолог.

Од училиштето за Алсат велат дека ги имале преземено сите законски мерки кои им стоеле на располагање од усмено и писмено предупредување, суспензија на одредено време, парична казна за професорот.

Извор: alsat.mk

ПОВРЗАНИ ВЕСТИ

Мисајловски: Ако Бугарите влезат во нашиот Уставот,…

Ако Бугарија бара Бугарите да влезат во…

Мисајловски: Во преговорите со Бугарија мора да…

Точно да денес ги проследивме овие овие…

Николоски: Македонија по kорупција е на исто…

Денеска стигна извештајот за корупција и Македонија…

Македонија сама не може да се брани,…

НАТО знае дека ниту војската на Македонија,…

Донев: Постои притисoк врз македонската комисија, продолжува…

Притисок очигледно дека постои од наша страна…