Трагедија: 3aгина францускиот актер во тешка скијачка нecpеќа на Алпите

t

Во тешка скијачка несреќа на Алпите на 37-годишна возраст животот го загуби францускиот актер Гаспар Улиел. Актерот, освојувач на „Цезар“, скијал кога на раскрсницата меѓу двете патеки се судрил со друг скијач и се здобил со сериозна повреда на мозокот. Со хеликоптер бил пренесен во болница во Гренобл, каде што починал еден час подоцна. Локалните власти отворија истрага за несреќата, пренесува АФП.

Улиел беше меѓу водечките француски актери на својата генерација. Се прослави во улогата на Ив Сен Лоран во биографскиот филм од 2014 година, а во моментот има една од главните улоги во новата серија на „Марвел“, „Мун Најт“, која допрва ќе има премиера на стриминг платформата „Дизни+“.


Француската кинематографија изгуби голем талент, полн со шарм и енергија, изјави министерот за култура Бруно Ле Мер.

Улиел почнал да глуми на 11 години и за време на неговата успешна кариера, тој освои голем број награди. Во 2005 му беше доделен Сезар, францускиот еквивалент на Оскар, за најнадежен актер, а во 2017 година го освои по вторпат, овојпат за најдобар актер за филмот „Ова е само крајот на светот“. Во Холивуд се проби играјќи го Ханибал Лектер во „Подемот на Ханибал“ од 2007.

Улијел, исто така, беше баран модел. Тој беше заштитно лице на мирисот „Bleu de Chanel“.

Французинот ги напушти неговиот шестгодишен син Орсо и неговата девојка Гаела Петри.

ПОВРЗАНИ ВЕСТИ

Мечка усмрти 30-годишен падобранец

Мечка нападнала војници на Алјаска. Едниот им…

Страшно: Се запали авион со 113 патници…

На аеродромот во Чонгкинг, Кина, се случи…

Трагедија во Битола: Гранитна плоча згмечи двајца…

Еден работник загина, а друг е тешко…

Трагедија: Удавен скопјанец пронајден во Врадар

На 19.04.2022 околу 12.00 часот во СВР…