Уапсени уште петмина осомничени за грабежот во Лувр

Уште пет лица беа уапсени во регионот на Париз во среда вечерта по спектакуларната провала во музејот Лувр што се случи во недела, 19 октомври.

Веста за RTL ја потврди париската обвинителка Лаура Бекуо, според француските медиуми.

Еден од петте уапсени мажи беше главната цел на истражителите. „Постои ДНК што, според наше мислење, го поврзува со кражбата“, објасни обвинителот Бекуо. АФП, исто така, објави дека главниот осомничен е меѓу петте нови апсења.

Се очекува преостанатите четворица да дадат клучни информации за грабежот. Апсењата се извршени на различни локации во и околу Париз, вклучувајќи го и департманот Сен-Сен Дени.

Француската телевизија BFM претходно утрово објави дека едно лице е уапсено во парискиот регион во среда навечер и дека се сомнева дека човекот бил на местото на злосторството на 19 октомври, кога се случил грабежот.

Двајца мажи уапсени минатиот викенд под сомнение дека влегле во музејот низ прозорец на горниот кат и ги украле скапоцените предмети „делумно признаа“ за нивната вмешаност во грабежот, соопшти канцеларијата на парискиот обвинител.

Накитот сè уште не е пронајден.

Share on Facebook

Tweet

Follow us

Save