INFOMAX.MK

Веќе неколку пати кажав дека има неколку сценарија за дестабилизација на Молдавија, а она што го кажа Зеленски е само едно од нив. Молдавија е подготвена за сите предизвици, изјави молдавскиот премиер Дорин Речан.

Фотографија од украински сили кои тргнале на распоредување на границата со Молдавија објави каналот Вишеград24 на Твитер. Фотографијата не е потврдена во западните медиуми. Откако Путин вчера го укина декретотод 2012 со кој Русија го признаваше суверенитетот на оваа држава, сè повеќе се шпекулира дека Молдавија може да биде следната мета во војната.

Украинскиот претседател Володимир Зеленски изјави дека првата цел на Путин е да го освои меѓународниот аеродром во Кишињев.

На неговите предупредувачки зборови се надоврза и молдавскиот премиер Дорин Речан:

– Веќе неколку пати кажав дека има неколку сценарија за дестабилизација на Молдавија, а она што го кажа Зеленски е само едно од нив. Молдавија е подготвена за сите предизвици – изјави Речан.

🚨 #Russia is planning to seize the airport in #Moldova's capital city Chisinau – Prime Minister of Moldova Dorin Recean. Sounds like a repeat of the plan that failed in #Kyiv's Hostomel airport. False-flag terror attacks probable. April 2022 #FSBletters from #WindofChange below. https://t.co/gvoeukP8pq pic.twitter.com/THWpjGknEp

— Igor Sushko (@igorsushko) February 21, 2023

Вчерашното обраќање на Владимир Путин кон руската нација го остави светот зачуден, бидејќи тој најави дека Русија ќе се повлече од договорот „Нов СТАРТ“ со САД со кој се контролира производството на нуклеарни боеви глави. Медиумите низ светот ја протолкуваа неговата изјава како нуклеарна закана.

Денеска руската Дума и официјално го усвои законот за суспензија на учеството на Русија во овој договор.