Утре ќе се одржи петнаесеттата конференција на началниците на Генералштабовите на балканските земји
![t](https://infomax.mk/wp-content/uploads/2022/06/logo-b9.jpg)
Петнаесетта конференција на началниците на Генералштабовите на балканските земји, најава Армијата на Република С. Македонија, е домаќин на петнаесеттата Конференција на началниците на Генералштабовите (НГШ) на армиите од балканските земји, која ќе се одржи утре, 16 јуни 2022 година во Охрид.
Конференцијата ќе ја отвори началникот на Генералштабот на Армијата на Република С. Македонија, генерал-потполковник Васко Ѓурчиновски, а свое обраќање до учесниците ќе имаат претседателот на Република С. Македонија и врховен командант на Вооружените сили, Стево Пендаровски и заменикот на министерот за одбрана, Башким Хасани.
На конференцијата, покрај дискусиите на темата на конференцијата: „Употреба на Вооружените сили во справувањето со најновите предизвици во национален и регионален контекст (најдобри практики)“ ќе се разгледуваат и можностите за зајакнување на начините на воената соработка помеѓу балканските држави, како и начините на спротивставување на сите современи безбедносни предизвици, ризици и закани во регионот. Ова првенствено е поврзано со реализација на заеднички обуки, како и со проценка на асиметрични закани на Балканот.
Покрај началникот на ГШ на Армијата на Република С. Македонија како домаќин, на Конференцијата ќе учествуваат и началниците на генералштабови на Армиите на Босна и Херцеговина, Бугарија, Грција, Романија, Србија, Турција, претставник од ГШ на Албанија и ЗНГШ на Војската на Црна Гора.
Како набљудувачи на Конференцијата ќе присуствуваат и НГШ на ВС на Хрватска, како и претставници од: Воениот комитет на ЕУ, Врховната команда на Сојузничките сили во Европа, Здружената команда на НАТО од Неапол и од Командата на Армијата на САД за Европа и Африка.
Форумот на началниците на Генералштабовите на балканските земји е основан по иницијатива на Грција и Турција во 2006 година. Официјално иницијативата е воспоставена од страна на началниците на Генералштабовите на балканските земји на 10 мај 2007 година во Брисел.
Во форумот учествуваат НГШ на армиите на 9 земји членки (Албанија, БиХ, Бугарија, Грција, С. Македонија, Романија, Србија, Турција и Црна Гора). Конференцијата на началниците на балканските земји се реализира еднаш годишно на принцип на ротација, а досега се одржани четиринаесет конференции.
ПОВРЗАНИ ВЕСТИ
Три лица од Турција нападнати кај кањонот…
– Вчера во 18:30 часот во СВР…
Српскиот хеликоптер ја напушти Македонија, исфрлиле 248…
Припадниците на Хеликоптерската единица и Секторот за…
Се огласија од Бугарија: Мицкоcки манипулиpа, има…
Националното претпријатие за железничка инфраструктура, кое е…
Бугарскиот парламент забрани промоција на нетрадиционална сексуална…
По повеќе од 4 часа дебати и…
Албанија отвора камп за мигранти од Италија
Во Албанија наскоро ќе биде отворен камп…