УФП за случајот со Богоев: Приведени повеќе лица осомничени дека го искористиле своето влијание, положба и углед за стекнување имотна корист од големи размери

Повеќе лица се приведени од страна на овластени службени лица од Управата за финансиска полиција како дел од акција која произлегува од предистражна постапка насочена кон откривање и документирање на повеќе кривични дела од областа на финансискиот криминал и корупцијата, за кои постојат основи на сомнение дека се извршени од службени лица и други лица кои го искористиле своето влијание, општествена положба и углед со цел стекнување противправна имотна корист од големи размери.

Управата за финансиска полиција денеска спроведува обемна акција на повеќе локации низ државата, при што се вршат претреси на домови, деловни простории и лица.

Акцијата се реализира по наредби на судија на претходна постапка, а во координација и под раководство на надлежен јавен обвинител од Основното јавно обвинителство за гонење на организиран криминал и корупција.

Како што информираат од Финансиската полиција, истрагата произлегува од предистражна постапка насочена кон откривање и документирање на повеќе кривични дела од областа на финансискиот криминал и корупцијата.

Постои сомнение дека дел од делата се извршени од службени лица и други лица кои, искористувајќи ја својата службена положба, општествено влијание и углед, се стекнале со противправна имотна корист од големи размери.

Во рамки на акцијата, а по насоки на надлежното обвинителство, овластени службени лица од Управата за финансиска полиција лишиле од слобода повеќе лица. Истражните активности продолжуваат, а повеќе информации се очекуваат по нивното целосно завршување.

Share on Facebook

Tweet

Follow us

Save