(Фото) Банана држава – свежо и сочно: Катица Јанева наместо во затвор си пазари во маркет во Скопје

Eкс специјалната обвинителка Катица Јанева искористи празничен викенд за Велигденските празници. Излезена е од затворот Идризово каде ја издржува затворската казна, а Телма ја улови како пазарува во еден од скопските маркети.

Од Управата за извршување санкции велат дека ја добила оваа погодност на 23 април а синоќа имаше обврска да се врати во Идризово.

Оваа мерка и следува по закон кој дозволува отпус на затвореници после одлежана 1/3 од затворската казна, која за Јанева беше досудена на 7 години.

Таа е осудена за случајот Рекет, заедно со Бојан Јовановски кој е осуден на 9 години затвор и Зоран Милевски Кичеец кој призна вина и доби 3 години.

Прв пат ваква мерка Јанева користеше за новогодишните празници, а до сега добила уште еден излез на 7 часа во февруари годинава.

Извор: Телма

Share on Facebook

Tweet

Follow us

Save