(Фото) Граѓаните на општина Кисела Вода сами си ги санираат улиците

Денеска граѓани на Општина Кисела Вода, од н. Драчево, со самоорганизација ги пополнувале дупките на делот од улица Речиште, за кој веќе подолг временски период чекаат било каква реакција од самата Општина, која е надлежна за да го санира делот.

Според информациите кои ги имаме, улицата стои раскопана од мандатот на претходниот градоначалник, Орце Ѓорѓиевски.

Откако новата градоначалничка Бети Стаменковска Трајкоска, ја презема функцијата Градоначалник на Општина Кисела Вода, по повторна молба и барање од страна на граѓаните, Општината дала ветување дека проблемот ќе биде решен.

Но, поради тоа што сѐ уште никој нема преземено никаква активност, денеска, тие со самоорганизација, знаејќи дека е незаконски, сепак се одлучиле да го решат проблемот самите, бидејќи со години истиот постои, а молкот од страна на надлежните продолжува.

Овој пат Општината била доволно и брза постапила, со тоа што испратила вработени за да ги известат граѓаните дека тоа што го преземале е незаконски.

Share on Facebook

Tweet

Follow us

Save