(Фото) Ова е авионот од кој падна армискиoт ранец?!

Политичката партија Левица на својата Фејсбук страна објави фотографии од ранец кој слетал во двор од куќа во Неготино. Се уште не се знае како ранецот завршил на ова место. Претпоставките се дека испаднал од некој воздухоплов.

Според објавата на политичката партија ранецот паднал врз станбен објект и за среќа нема повредени.

Изминатите неколку денови жителите кои живеат во околината на воениот полигон Криволак тврдат дека има зголемени активности на полигонот на македонски трупи и трупите на НАТО.

Според наши читатели ова е воздухопловот од кој паднал ранецот, од авионот скокнале голем број падобранци, а еден неидентификуван објект паднал во спротивна насока од падобранците со голема брзина.

Според нашите информации се работи за ранецот кој слетал врз домот на неготинчанецот. Oд фотографијата може да се забележи дека станува збор за транспортен авион, веројатно Локхед C-130 Херкулес.

Share on Facebook

Tweet

Follow us

Save