INFOMAX.MK

23-годишен Холанѓанец бил запрен од германската полиција откако возел со брзина до 235 километри на час на автопатот А3 и сериозно ги загрозувал другите учесници во сообраќајот.

Според сообраќајната полиција во Кобленц, младиот возач со своето Porsche 911 возел преблиску до другите возила, повеќепати претекнувал од десната страна и ја користел секоја можност да се протне низ сообраќајот, веднаш враќајќи се пред другите автомобили.

Првично успеал да ѝ избега на цивилната полициска патрола, но подоцна бил запрен од полицијата.

При контролата, тестот за дрога покажал дека возачот користел канабис. Тој им објаснил на полицајците дека заедно со својот татко води кафе-шоп во Ајндховен, Холандија, каде продажбата на канабис е дозволена под одредени услови, и дека редовно консумира канабис „од професионални причини“.

Бидејќи живее во странство и не дал информации за своите приходи, полицијата му наложила веднаш да уплати гаранција од 10.000 евра, што тој ја платил на лице место.

Полицијата му ја одзела и возачката дозвола.

Според полицијата, возачот во ниту еден момент не покажал разбирање за сериозноста на своето однесување.

По завршувањето на полициската постапка, го презел неговиот татко.

Против него е покрената истрага поради сомнение за недозволена автомобилска трка и загрозување на безбедноста во сообраќајот.