ХОРОР ВО САД: 12-годишно девојче го избодело своето братче, а потоа ги разбудила родителите и признала сѐ

12-годишно девојче е во притвор во Тулса, Оклахома, откако смртно го избоделo свoето 9-годишно братче. Во соопштението полицијата наведува дека осомниченото девојче е задржано во малолетнички затвор. Полицијата добила дојава за инцидентот во четвртокот навечер, а кога пристигнала, болничарите и пожарникарите веќе биле „на местото на настанот и ја виделе 9-годишната жртва“.

„Полицијата открила дека еден од родителите спиел горе кога неговата 12-годишна ќерка го разбудила и рекла дека го избодела нејзиниот 9-годишен брат“, се вели во соопштението. Момчето било „итно пренесено во болница и префрлено на операција“, но набрзо им подлегнало на повредите.

12-годишната осомничена потоа била приведена и сместена во Семејниот центар за малолетници. Полициската единица за детска криза го истражува убиството, а властите се уште не објавиле подетални информации за идентитетот на осомниченото девојче и жртвата, пишува Си-Ен-Ен.

Share on Facebook

Tweet

Follow us

Save