Хороскоп: Овните да научат да кажат не, стрелци бидете дипломати

ОВЕН (21. III – 19. IV)
Многу лесно може да се преплавите со обврски ако велите постојано „Да“. Денес не им давајте ветувања на премногу луѓе и потсетете се дека и „Не“ е одговор. Сепак, денот има само 24 часа, а не 48 како што вие би сакале.
Уживајте кога нештата одат како што сте ги планирале. Вечерва сè што ќе наумите, ќе остварите.

БИК (20. IV – 20. V)
Слободно може да очекувате наплив од идеи. Денес сите ќе сакаат да слушнат вашите решенија и да дознаат што „шета“ низ вашиот брилијантен ум. Зборувајте и ќе добивате огромна поддршка.
Ако некој ви подаде рака за запознавање и посака да ви биде пријател, прифатете го без разлика на изгледот. Не ја оценувајте книгата по нејзината корица.

БЛИЗНАЦИ (21. V – 20. VI)
Сместете се на удобно и тивко место за да можете да го слушнете вашиот внатрешен глас. Наместо да се фокусирате на зголемување на вашата продуктивност, фокусирајте се на искористување на вашата креативност.
Ако планирате да им ја објаснувате секоја ваша постапка на луѓето околу вас, со среќа. Тоа не само што ќе биде заморно, туку и ќе биде невозможно. Започнете да живеете слободно.

РАК (21. VI – 22. VII)
Денес ќе започнете да ја гледате чашата како полуполна, а не како полупразна. Силна доза оптимизам ќе го обземе вашето тело. Ако во изминатиот период бевте жртва на лошите мисли и песимизмот, сега сончевите зраци ќе ви го погалат лицето.
Не купувајте нешта импулсивно. Добро обмислувајте ги одлуките поврзани со вашите финансии.

ЛАВ (23. VII – 22. VIII)
Денешниот ден има потенцијал да ви биде многу продуктивен, но само ако научите да ги контролирате вашите емоции. Личните проблеми многу лесно можат да ви попречат во работата ако им дозволите. Не сте неуспешни, избришете си ја таа мисла од главата.
На крајот од денот, дајте си простор за слободно да се издишете. Намалете го темпото, излезете и гледајте ги ѕвездите или гледајте романтична комедија.

ДЕВИЦА (23. VIII – 22. IX)
Многу нешта ќе се случуваат во вашиот живот денес и тоа ќе ви делува совршено добро на расположението. Некој од вашиот круг на пријатели ќе ви понуди решение за ваш проблем кое треба да го прифатите.
Ќе имате доволно енергија за да можете да се справите со секој предизвик. Само напред, дури и ако сте уморни, излезете вечерва. Одлично ќе си поминете.

ВАГА (23. IX – 22. X)
Денес можно е да ви биде понудено ново работно место или работа од дома. Добро разгледајте ги сите опции кои ви стојат на располагање и изберете ја онаа која е најдобра за вас и вашите најмили.
Научете да ги разликувате искрените комплименти од неискрените ласкања. Некој не ви го покажува вистинското лице.

ШКОРПИЈА (23. X – 21. XI)
Не заглавувајте во свет од фантазии. Денес ќе имате бујна имагинација која ќе ве води во тотално поразличен свет од оној во кој живеете. Преголемиот идеализам може да ве направи лесна мета на манипулации, па покажете дека не сте наивни.
Избегнувајте да покажувате преголем оптимизам, особено во професионална или друштвена средина.

СТРЕЛЕЦ (22. XI – 21. XII)
Озборување на работното место ќе доведе до разочарување кај вас. Можно е да се изненадите од луѓето кои ќе учествуваат во него, но не го покажувајте вашиот револт. Користете дипломатија и извлечете ги вашите лекции.
Покана за излегување на крајот од денот ќе ви го забрза срцето и ќе ве исполни со возбуда. Дотерајте се и уживајте, тоа е доволно.

ЈАРЕЦ (22. XII – 19. I)
Не можете да имате сè што ќе посакате во љубовта, но денес ќе бидете неверојатно благодарни за она што го имате. Ќе се гордеете со вашиот сакан.
Јарците со статус сингл ќе запознаат некој кој ќе им ги спои последните делчиња од љубовната сложувалка. Верувајте дека љубовта ве очекува таму некаде и тргнете во мисија да ја пронајдете.

ВОДОЛИЈА (20. I – 18. II)
Потешко отсекогаш ќе ви биде да правите компромиси. Тешко ќе се откажувате од нештата кои ги сакате и тоа може да ви создава проблеми во односите со луѓето. Не може секогаш да биде сè по ваше, помирете се со тоа.
Стар пријател повторно ќе стане дел од вашиот живот. Контактите кои прекинале во минатото, ќе бидат обновени.

РИБИ (19. II – 20. III
Денес ќе се издвоите од сите останати, и со вашиот изглед, и со вашиот ум. Каде и да одите, луѓето ќе ве забележуваат, па воопшто не треба да ви биде чудно ако насекаде имате нови додворувачи. Прифатете ги поканите за пријателство на социјалните мрежи.
Ако сте во врска, флертувајте со партнерот. Одете на место каде што ќе бидете вие и тој и гледајте го во очи додека разговарате. Насмевката ви е најубавата шминка.

Share on Facebook

Tweet

Follow us

Save