Хpватите во пaниka, катастрофални peзултати од пописот: Олку жители немале од Втората светска вojна – За 10 години се иселиле речиси 10 отсто од Хрватите

t

Хрватска има 3.888.529 жители, покажуваат првите резултати од Пописот на населението, домаќинствата и становите во 2021 година, спроведен од Централното биро за статистика (ЦБС) минатата година.

Според директорката на CБЦ, Лидија Брковиќ, според претходниот Попис од 2011 година, Хрватска имала 4.284.889 жители, што покажува дека населението во таа земја во последните 10 години е намалено за 9,5 отсто, или за повеќе од 360.000 жители. Според неа, ова се првите резултати од пописот кои се уште се предмет на промена, а статистичарите потсетуваат дека земјата имала 3,8 милиони жители во 1948 година, односно по Втората светска војна, пренесува Индекс.

Брковиќ вели дека податоците за етничката припадност се уште не се достапни, бидејќи прво се обработуваат основните бројки, потоа полот и старосната структура и на крајот само останатите.

„Конечните резултати ќе бидат познати кога ќе заврши обработката на податоците“, рече Брковиќ.

Поради пандемијата на коронавирус, Пописот во 2021 година беше спроведен од 13 септември до 14 ноември во две фази – самопопишување и теренски попис. Истражувањето е спроведено за прв пат „без хартија“, односно целосно дигитално.

Она што мора да се напомене е дека Хрватска стана 28-та членка на Европската унија во 2013 година. Очигледно е дека нејзиниот влез во Унијата не ги реши сите проблеми во државата па така речиси 400 илјади луѓе одлучиле среќата да ја побараат надвор од границите на Хрватска.

Ова е податок важен за анализа особено во време кога Македонија преговара со соседите за идентитетски прашања со единствена цел час поскоро да стане дел од Европската Унија.

ПОВРЗАНИ ВЕСТИ

Хрватска ќе обучува украински војници: Резников му…

Украинскиот министер за одбрана Олексиј Резников на…

Загреб на нозе: Дојави за поставени бомби…

Полициски службеници од Загреб извршија увид во…

Ги “пееле” – Премиерот контра претседателот: Во…

Хрватскиот премиер Андреј Пленковиќ денеска рече дека Хрватска ќе…

Хрватска ѝ донира на Македонија вакцини против…

Хрватската Влада на денешната седница донесе одлука…

Нас Грција не’ чува: Хрватска набавува современи…

Хрватскиот министер за одбрана Марио Баножиќ денеска…