Ципрас проговоре за Македонија и договорот од Преспа

t

Денес имаме земја сојузник, земја чиј воздушен простор го заштитуваат авионите „рафал“ што ги земавме завчера, шесте „рафал“ ќе летаат над Македонија во рамки на договорот Грција да го надгледува воздушниот простор, истакна лидерот на СИРИЗА Алексис Ципрас во интервју за грчката телевизија „Контра”, јави дописничката на МИА од Атина.

Говорејќи за Договорот од Преспа и односите со Македонија, Ципрас упати критики до актуелниот грчки премиер Кирјакос Мицотакис за неговата позиција пред да дојде на власт, дека се обидел да го „злоупотреби чувството на просечниот грчки граѓанин“ и дека станува збор за обид за „екстремна политичка измама“.


– Мислам дека целиот грчки народ има сфатено, а во многу голема мера и луѓето кои на претходните избори гласаа за Нова демократија, дека случајот со несогласувањата, со отпорот на Нова демократија во однос на Договорот од Преспа беше обид да се злоупотреби чувството на просечниот грчки граѓанин кој, во секој случај, има загриженост и чувствителност за националните прашања и беше обид за политичка измама. Екстремна политичка измама – истакна Ципрас.

Тој додаде дека тоа што Мицотакис „зазеде неприфатлив и инструментализирачки став за едно многу критично национално прашање за да стане премиер е регистрирано во грчкото општество, во грчката историја и во свеста на граѓаните“, но и истакна дека она што сега е важно е дали земјата требаше да го склучи овој договор или не.

Повторно ја спомена Турција, за која рече дека има можност да продира на Балканот.

– Да имавме и на нашата граница со Македонија, една Турција каква што имаме во Либија ќе беше нешто позитивно за земјата? Или опасно и штетно? Денес имаме земја сојузник, земја чиј воздушен простор е заштитен со авионите „рафал“ што ги земавме завчера, шесте „рафал“ ќе летаат над Македонија. Во рамки на нашите сојузништва, Грција е таа која го презеде надзорот на воздушниот простор на Македонија, ние го потпишавме тоа – истакна лидерот на СИРИЗА во интервјуто и ги повика просечниот грчки граѓанин и сите „суперпатриоти“ што излегуваа на протестите да го земат ова предвид.

ПОВРЗАНИ ВЕСТИ

Се јавија осуммината што гласаа за промена…

Поранешната независна група на пратеници од ВМРО-ДПМНЕ…

Британија со највисока инфлација во последните 40…

Стапката на инфлација во Велика Британија, во…

Мајмунските сипаници стасаа и во ОАЕ: Заразена…

Во Обединетите Арапски Емирати е регистриран првиот случај на…

ММФ: Глобалната економија е соочена со тест…

Глобалната економија поради низата последователни кризи се…

Уапсен заменик-шеф на ОБСЕ во Луганск: Пренесувал…

Вработен во специјалната мониторинг мисија на ОБСЕ…