Црногорските транспортери ја прекинаа блокадата на границите

Црногорските транспортери донесоа одлука да ги прекинат блокадите на граничните премини со Шенген зоната по денешниот состанок со претставниците на Владата. Веста ја објави Радио-телевизија на Црна Гора (РТЦГ), по серијата преговори меѓу превозниците и надлежните институции.

Претходно црногорските камионџии изјавија дека по вчерашниот состанок се делимично задоволни и можно е постигнување на догвор.

„ДДВ се враќа во законски предвидениот рок. Добивме уверение дека транзитниот период за увоз на стоки од Црна Гора ќе биде 72 часа. Добивме уверение дека предлогот за бенефицирано работно искуство ќе биде ставен на гласање пред Владата“, беше кажано по состанокот.

Превозниците од Црна Гора додаваат дека проблемот со акцизата за горивото уште не е решен.

„Но, добивме уверувања дека сите главни теми со европските партнери, вклучувајќи го ETIAS и акцизата за дизел горивото, ќе бидат разгледани за да не стимулираат. Зголемувањето на работното време на фитосанитарните инспектори ќе биде продолжено“, истакнаа претставниците на превозникот.

Здружението на меѓународни превозници на товар на Црна Гора го блокираше товарниот сообраќај во близина на девет гранични премини: Дебели Бријег, Илина Брдо, Враќеновича, Ранча, Метељка, Добраково, Драченовац, Кула и Божај, како и влезот и излезот од пристаништето во Бар.

Share on Facebook

Tweet

Follow us

Save