ЦУК: Жителите на Куманово да не пијат вода од водоводот бидејќи е заматена и неисправна за пиење!
![t](https://infomax.mk/wp-content/uploads/2023/11/voda-960x594-1.jpg)
Утрово, денеска, до Центарот за управување со кризи до Секторот за операции и координација е побарана координација помеѓу институциите заради надминување на голем проблем за водоснабдување на градот Куманово.
Имено, по вчерашните обилни поројни врнежи од дожд и град во Липковскиот регион е предизвикано зголемување на нивото на Липковска Река, што има влијание на системот за водоснабдување – на филтер станицата на ЈП Водовод Куманово. Според информација од одговорното лице на филтер станицата се работи за количина на над 10.000 m3 заматена вода што влијае на процесот на прочистување и испорака на истата до граѓаните. Од тие причини, во моментот е појавена заматеност на водата во цевководниот преносен систем и е прекината дистрибуцијата до граѓаните, што најверојатно ќе трае во текот на целиот денешен ден, а по потреба, се до моментот на надминување на состојбата.
Од Центарот за управување со кризи, веднаш е побарано инспекциските служби и Центарот за јавно здравје од Куманово да излезат на лице место, направат увид, земат мостри за анализа и донесат соодветно решение за понатамошна постапка. Истовремено е известена и Општина Куманово за понатамошна постапка, во насока преземање мерки и активности за надминување на состојбата во интерес на граѓаните, а во моментот е воспоставена е комуникација со медиумите заради известување кон граѓаните на Куманово.
Најавено е дека во 12.00 часот ќе заседава Општински штаб со сите претставници од институции во Општина Куманово
ПОВРЗАНИ ВЕСТИ
(Видео) Тажно е во Тажево, изгорени се…
Во селото Тажево се изорени неколку напуштени…
(Видео) Активни се осум пожари, огнот сѐ…
Од вкупно 13 пожари денеска изгасени се…
Гори во пола држава: Девет пожари се…
Во текот на 31.07/01.08.2024 година, имаме вкупно…
Три активни пожари во државата, 19 се…
Центарот за управување со кризи (ЦУК) информира…
Ангелов: Имам многу вработени, а малку работници
Расцепкан и децентрализиран систем ги пројавува најголемите…