Јужна Кореа најави парична помош за Украина, а Холандија ќе ѝ даде борбени авиони
Јужна Кореја ќе и обезбеди на Украина среднорочен и долгорочен пакет помош во вредност од 2,3 милијарди долари, чија испорака ќе започне оваа година, најави јужнокорејскиот министер за надворешни работи Чо Тае-Јол за време на состанокот на земјите-партнери во НАТО од Индо-пацифичкиот регион, објавија украинските медиуми.
Покрај тоа, Сеул ќе даде 12 милиони долари за рехабилитација на ранетите украински војници преку Фондот на НАТО за помош на Украина.
На состанокот присуствуваа и претставници на земјите-партнери на НАТО од Индо-пацифичкиот регион, вклучително и Јапонија, Австралија и Нов Зеланд.
Највисокиот дипломат на Јужна Кореја рече дека поддршката на Северна Кореја за вооружувањето на Русија влијае не само на безбедноста на Европа, туку и на Корејскиот Полуостров и на Индо-пацифичкиот регион.
Холандската министерка за одбрана, Каиса Олонгрен, пак, изјави дека Холандија ќе и обезбеди на Украина вкупно 24 борбени авиони Ф-16.
-Севкупно, на Украина ќе и обезбедиме 24 борбени авиони Ф-16. Тие ќе и бидат предадени на Украина штом се е подготвено. Овој момент зависи од обуката на украинските пилоти и техничари, како и, се разбира, од инфраструктурата – нагласи Олонгрен.
Според неа, овој трансфер е заеднички напор со Украина, како и со Данска, САД и други земји.
ПОВРЗАНИ ВЕСТИ
Украина ја засилува својата ракетна програма, Зеленски…
Украина издвојува дополнителни средства за својата ракетна…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
Првите Ф-16 пристигнаа во Украина
Првата серија американски ловци Ф-16 пристигна во…