Алијанса за Албанците обвинува: На Насер Зибери му било наредено да врши притисок врз наставниците со злоупотреба на децата?
Алијансата за Албанците во соопштение наведува дека на Насер Зибери денеска му било наредено да врши притисок врз наставниците со злоупотреба на децата и нивните родители, за да ја спаси партијата и Владата.
Според нив, откако Зибери ги измамил Албанците дека ќе биде првиот премиер Албанец, а потоа како награда ја узурпирал функцијата народен правобранител, сега станува адвокат на Владата и партијата.
„Адвокатот на ДУИ, Насер Зибери денеска доби наредба да врши притисок врз наставниците со злоупотреба на децата и нивните родители, за да ја спаси партијата и Владата. Откако ги измами Албанците дека ќе биде првиот премиер албанец и потоа како награда ја узурпира функцијата народен правобранител, сега станува адвокат на Владата и партијата. Јавно го прашуваме, каде беше да ги заштити децата кога Владата и МОН не обезбедија опрема, таблети и интернет за онлајн учење, каде беше кога децата Албанци во многу населени места бараа паралелки и беа принудени да учат на македонски јазик, каде беше кога Професорката Бесијана Мехмети силуваше и им се закануваше на студентите? Го повикуваме Адвокатот на ДУИ итно да се откаже од оваа срамна и пропадната мисија, но да бара одговорност од неговата партија каде се ветените 600 евра плата за наставниците” – порачуваат од АА.
