INFOMAX.MK

Мора да одите напред, САД ќе бидат со вас на секој чекор!

Ова го изјави американската амбасадорка во Тирана, Јуриј Ким на својата проштална конференција.

Амбасадорката рече дека ја исполнила својата мисија во земјата.

-„Во овие три години ја имав честа да го претставувам претседателот во Албанија. Како млад амбасадор кој сака да ја нагласи посебната врска меѓу Албанија и САД, ја исполнив мојата мисија“.

Американската функционерка рече дека е благодарна за придонесот во демократијата, одбраната и бизнисот.

„Албанија постигна голем напредок, особено во правосудството, што ѝ даде можност официјално да ги отвори преговорите за ЕУ“.

Ким истакна дека Америка никогаш не се колеба да застане зад аспирациите на албанскиот народ да го заземе своето вистинско место на масата на Европа.

Дипломатката во својот говор изјави дека Албанија покажала дека е достоен сојузник и е вклучена во многу соработки – како што е организацијата Бранител Европа.

Ким исто така истакна дека САД дале 50 милиони долари за сајбер одбрана, што е најголемиот пакет за земја по Украина – на ова поле.

Но, она што зазема најважно место во нејзиниот говор беше американската гордост за партнер како Албанија.

Ова најмногу се истакнува во улогата на албанската влада во надворешната дипломатија: улогата во Советот за безбедност или дури и поддршката на Авганистанците.

„Морам да појаснам дека амбасадорите кои служат во Албанија не следат свои агенди. Важно е да се одржат реформите, како што беше реформата во правдата, искоренувањето на корупцијата“.

Покрај постигнатото, американскиот амбасадор рече дека има уште работа, особено во борбата против корупцијата или независноста на судството.

Таа ги повика сите „да ја бараат вистината и да зборуваат за вистината“.