Американски научник именуваше фосил на лигња по претседателот Бајден

Ова е многу редок фосил на суштество кое некогаш живеело во тропските води кои ја опкружувале Северна Америка пред повеќе од 320 милиони години, велат научниците.

Истражувачите од Американскиот природонаучен музеј неодамна наидоа на фосилизирано тело на суштество во форма на торпедо, кое го доби името Sillipsimopodi bideni и додадено на списокот на видови именувани по американските претседатели.

Кристофер Вилан и неговиот колега Нил Лендман го пронајдоа суштеството на музејска полица каде што беше чувано откако беше откриено пред повеќе од триесет години во формацијата Беар Галч Лагерстејт во Монтана. Според нив, ова суштество пливало во тропските води на Северна Америка пред речиси 328 милиони години.

Древното животно имало десет раце, од кои две биле подолги од другите осум, што е слично на лигњите и сипата. Според Вејлен, ова откритие нуди увид во најраната фаза од постоењето на вампироподи – една од трите групи цефалоподи со меко тело кои содржат остатоци од внатрешни школки.

„Организам што толку рано ја изгубил својата обвивка на страната на вампироподите, покажува дека тие развиле алтернативен начин за контрола на пловноста релативно рано во нивната еволутивна историја“, рече д-р Вејлен.

Истражувачот објасни зошто решил да го именува суштеството по Бајден.

„Ја поднесов мојата работа веднаш по неговата инаугурација и ми се чинеше како природен начин да го прославам тој момент… Бев особено охрабрен од некои од плановите што тој ги постави за борба против климатските промени“, изјави Вејлен за ABC.

Древното суштество кое личи на лигњи не е првиот вид именуван по поранешните претседатели. Поранешниот американски претседател Доналд Трамп има Dermophis donaldtrumpi, слеп водоземец кој ја закопува главата во песок, додека најмалку девет видови се именувани по Барак Обама, вклучувајќи го и изумрениот гуштер (Obamadon gracilis).

Share on Facebook

Tweet

Follow us

Save