Атентаторот на Трамп ја истражувал и принцезата Кејт!
Американското Федерално биро за истраги (ФБИ) соопшти дека Томас Метју Крукс, кој се обидел да го убие републиканскиот претседателски кандидат Доналд Трамп, ја истражувал принцезата Кејт Мидлтон на Интернет, „бидејќи планирал уште еден атентат“.
Според Мирор, Крукс наводно симнувал слики од 42-годишната принцеза од Интернет на неговиот мобилен телефон. Агентите на ФБИ ги откриле фотографиите од принцезата кога упаднале во домот на Крукс по пукањето во Пенсилванија и заплениле два телефони и лаптоп.
Други луѓе за кои Крукс беа под истрага се директорот на ФБИ Кристофер Вреј и американскиот јавен обвинител Мерик Гарланд, а пронајдени се и слики од претседателот Џозеф Бајден, пренесува Танјуг.
Нема докази кои сугерираат дека Крукс планирал да патува во ОК. Агенти на тајната служба застрелаа неколку пати во Крукс откако тој отвори оган врз Трамп за време на предизборниот митинг во Пенсилванија минатиот викенд. Трамп е ранет во десното уво, еден од неговите поддржувачи е убиен, а уште двајца се ранети.
