„Атлантик Штарк“ од македонскиот пазар повлекува бисквити поради можност за присуство на надворешно тело

Од македонскиот пазар се повлекуват производите на „Атлантик Штарк“: Кексичи како перелив 220 гр. серија 1507482842 и Најлепше жеље кукис 145 гр. ноисет, серија 1507483391, двата со рок на траење до 11.05.2025 година, поради можност за присуство на надворешно тело, потврдија за МИА од Агенцијата за храна и ветеринарство (АХВ).

Од АХВ апелираат до потрошувачите доколку ги купиле посочените производи да не ги консумираат или да ги вратат на продажното место од каде ги купиле.

– Агенцијата за храна и ветеринарство, вчера, од компанијата „Атлантик траде“ Скопје Доо Илинден доби известување дека поради можност за присуство на надворешно тело, од пазарот ги повлекува производите: 280766 Кексичи како перелив 220 гр. серија 1507482842 со рок на траење 11.05.2025 и 281061 Најлепше жеље кукис 145 гр. ноисет, серија 1507483391 со рок на траење 11.05.2025. Производител на производите кои се повлекуваат според известувањето е Атлантик Штарк доо Белград, Република Србија. АХВ како одговорна институција за безбеднста на храната согласно законските надлежности, ја следи состојбата со повлекувањето на производите. До потрошувачите како и компанијата увозник, упатуваме апел доколку ги купиле посочените производи со сериските броеви и рокови на употреба истите да не ги консумираат или да ги вратат на продажното место од каде ги купиле, изјавија од АХВ.

Како што јави дописникот на МИА од Белград, „Атлантик Штарк“ (Atlantic Štark d.o.o) објави дека од српскиот пазар и од БиХ повлекува производи поради можност за присуство на туѓо тело. Дистрибутерот на Atlantic Štark d.o.o, Atlantic Brands d.o.o, соопшти дека од пазарот се повлекуваат производите: Бисквити какао кокос, 220 гр, серија 1207483491, со рок на употреба 08.05.2025 година, Бисквити какао кокос, 220 гр, серија, 1207483492, со рок на употреба 08.05.2025 година, Бисквити со прелив од какао 220гр, серија 1507482841, рок на употреба 11.05.2025 година, Бисквити со прелив од какао 220гр, серија 1507482842, рок на употреба 11.05.2025 година.

– При одлучувањето за отповикување, се водиме од високи стандарди за квалитет, како одговорна компанија која пред се се грижи за заштита на потрошувачите, со цел одржување на високо ниво на доверба во безбедноста и квалитетот на нашите производи. Ги повикуваме потрошувачите кои ги купиле наведените производи да ги вратат на продажното место каде што ќе им бидат вратени парите или ќе договорат замена на производот, се наведува во соопштението.

Вакво соопштение за повлекување на производот има и за во Босна и Херцеговина.

-Ги информираме клиентите и потрошувачите дека за производите Cookies какао кокос, 220 g, серија 1207483491 (рок на употреба до 8.5.2025) и Cookies какао прелив 220 g, серија 1507482842 (рок на употреба до 11.5.2025 a), превентивно го повлекуваме производот поради можно присуство на туѓо тело.

Share on Facebook

Tweet

Follow us

Save