Ау, каков успех: ЗЛАТО ЗА МАКЕДОНИЈА, Нуров блескаво го победи Актурк во Алжир!

Македонскиот борач Магомедгаджи Нуров настапи во финалето во борење во категоријата до 97 килограми слободен стил на Медитеранските игри и го освои златниот медал, откако беше подобар од Фејзула Актурк од Турција.

Нуров во мечот тргна со негатива од 0-3, но двапати потоа успеа да го „легне“ својот противник на земјата по што го сврти натпреварот во своја корист (4-3) и судиите потоа прогласија победа за македонскиот борач.

Во првата битка на овој турнир Нуров беше подобар од тунискиот борец Мохамед Садауи, победувајќи го со 13-2. Следеа уште две убедливи победи со технички туш, над домашниот Мохамед Фарџ, како и шпанскиот ривал Алехандро Канада. Во полуфиналето, Нуров беше подобар од Мустафа Елдерс од Египет кого го совлада со резултат 6-1

Медал за Македонија од Медитеранските игри донесе и Владимир Егоров, кој настапи во репесаж во категоријата до 69 килограми и ја освои бронзата.

Извор: gol.mk

Share on Facebook

Tweet

Follow us

Save