INFOMAX.MK

Американскиот претседател Џозеф Бајден изјави денеска дека милитантната група Хамас „се повлекува“ од договорот со Израел за прекин на огнот во војната во Газа и размена на заложници за затвореници.

„Се уште е во игра, но не можете ништо да предвидите. Израел вели дека може да се справи со тоа, Хамас сега отстапува“, рече Бајден додека се подготвуваше да го напушти Чикаго по главното обраќање на Демократската национална конвенција.

Како што претходно беше објавено, американскиот државен секретар Ентони Блинкен рече дека Израел го прифатил предлогот за премостување на разликите што го спречува договорот за прекин на огнот и ослободување на заложниците во Газа и го повика Хамас да го стори истото.

Американскиот државен секретар беше во својата деветта итна мисија на Блискиот Исток од почетокот на војната во Газа пред повеќе од 10 месеци, пишува Тајмс оф Израел.