Бајден го предупреди Џипинг: Бидете внимателни, Кина зависи од Западот!

Американскиот претседател Џозеф Бајден го советуваше кинескиот претседател Си Џинпинг, по средбата со рускиот претседател Владимир Путин, да биде внимателен со оглед на зависноста на Кина од западните инвестиции.

„Реков, ова не е закана, ова е набљудување“, рече Бајден, пренесе Ројтерс.

Бајден рече дека од почетокот на војната во Украина, 600 американски корпорации ја напуштиле Русија и дека кинеската економија во моментов е уште позависна од Западот отколку руската економија.
„Бидете внимателни“, заклучи Бајден.

Претседателот на Кина од 20 до 22 март ја посети Москва на покана на Путин.
Лидерите на двете земји разговараа за прашања за натамошен развој на билатералната соработка.
Посетата на кинескиот лидер на Русија беше негова прва посета во странство откако беше реизбран за претседател на земјата по трет мандат.
За време на посетата беше потпишана заедничка изјава за развој на руско-кинеската економска соработка до 2030 година.

Share on Facebook

Tweet

Follow us

Save