Бајден и Зеленски потпишаа историски договор: „Ова е без преседан“

Американскиот претседател Џо Бајден и украинскиот претседател Володимир Зеленски денеска потпишаа историски договор во име на нивните земји на самитот на Г7 што денеска и утре се одржува во Италија. Станува збор за билатерален историски договор кој беше потпишан на дури 10 години.

Украина од почетокот на руската инвазија има потпишано 15 билатерални безбедносни договори со голем број земји – од Обединетото Кралство до Франција и Германија до Италија. Она што е интересно за договорот потпишан денеска со САД е што за него не е потребно одобрение од Конгресот, а потенцијалната идна администрација на Доналд Трамп би можела да го откаже.

Бајден претходно изјави дека гаранциите за Украина ќе бидат исти како и за Израел, кои опфаќаат финансиска и воена помош, како и можноста за заедничко производство на оружје. По потпишувањето на историскиот договор, Бајден и Зеленски одржаа заедничка прес-конференција.

„Ова е документ без преседан. Денеска е навистина историски ден“, изјави украинскиот претседател Володимир Зеленски за договорот што го потпиша со Бајден.

Тој е убеден дека „најсилниот договор“ ќе ги зачува човечките животи и содржи одредби за „чекори за одржлив мир“ по завршувањето на војната. „Русија е вистинска глобална закана“, нагласи тој. Тој ја пофали храброста на американските граѓани и украинските војници кои го овозможија договорот.

Тој и се заблагодари на Америка за континуираната поддршка на неговата земја. Рече дека е горд на украинскиот народ и она што успеал да го направи за време на војната во неговата земја. Нагласи дека договорот вклучува борбени авиони Ф-16 и друго оружје што Украина долго време го бара.

„Ние работиме на тоа долго време“, истакна тој. Најави дека Украина наскоро ќе добие „ескадрили“ авиони. Украина со месеци бараше авиони Ф-16, а досега Данска, Холандија, Норвешка и Белгија се обврзаа да ги испратат во таа земја.

Зеленски тврди дека договорот содржи клучна компонента што Украина долго време ја бара. „Нашиот безбедносен договор е мост за членството на Украина во НАТО“, рече тој. Зеленски не го крие задоволството што американските власти одлучија да ги искористат запленетите финансиски средства за финансирање на воените напори во Украина.

„Рускиот имот треба да се користи за заштита на животите на Украина“, рече тој.

Share on Facebook

Tweet

Follow us

Save