Бела куќа: Исламски отпор во Ирак е одговорен за смртта на тројцата американски војници во Јордан
![t](https://infomax.mk/wp-content/uploads/2022/08/kirbi.png)
САД веруваат дека екстремистичката организација Исламски отпор во Ирак е одговорна за нападите со беспилотни летала во Јордан во кои загинаа тројца американски војници, соопшти Белата куќа.
-Веруваме дека нападот во Јордан беше планиран, финансиран и спроведен од чадор-организацијата Исламски отпор во Ирак, која обединува повеќе екстремистички групи, вклучително и Катаиб Хезболах, рече портпаролот на Советот за национална безбедност Џон Кирби, пренесе Си-Ен-Ен.
Иако веќе не ја припишува одговорноста за овој напад на групата Катаиб Хезболах, Кирби кажа дека тоа не е единствената група одговорна за претходните напади врз американските бази.
-Овој напад секако ги има карактеристиките на Катаиб Хезболах, но според нашата разузнавачка заедница, нападот во Јордан го извршила чадор организација наречена Исламски отпор во Ирак, рече Кирби.
Американскиот претседател Џо Бајден во вторникот разговараше со семејствата на тројцата загинати војници и утре ќе присуствува на прифатот на нивните останки во воздухопловната база Довер.
Тој вчера соопшти дека веќе одлучил како ќе одговори на нападите на екстремистите, но остана нејасен за тоа каков точно ќе биде американскиот одговор.
ПОВРЗАНИ ВЕСТИ
САД: Неонацистичка група има намера да се…
Предизборната кампања во САД се соочи со…
САД ќе испратат борбено засилување на Блискиот…
Американската војска ќе распореди дополнителни борбени авиони…
Хантер Бајден ќе ја добие пресудата осум…
Хантер Бајден, синот на американскиот претседател Џо…
САД и Велика Британија ги повикаа нивните…
Амбасадата на САД во Бејрут и британската…
Хрватска набавува најмоќно оружје во својата историја:…
Хрватска го набавува најмоќното оружје што досега…