Белорусија ќе дозволи транзит на украинското жито кон Литванија

Белорусија во петокот им потврдила на Обединетите нации дека без никакви услови ќе се согласи на транзит на украинските житарки преку својата територија за да можат да се извезуваат преку литванските пристаништа, соопштија од светската организација.

Генералниот секретар на ОН, Антонио Гутереш, се сретнал претходно во петокот во Њујорк со заменикот на белорускиот министер за надворешни работи Јуриј Амбразович, ги информираше новинарите по состанокот портпаролот Стефан Дужарик.

Белорускиот дипломат притоа „го повтори барањето на неговата влада да можат да извезуваат нивни ѓубрива, коишто во моментов се под санкции“, додаде Дужарик.

Share on Facebook

Tweet

Follow us

Save