Бесими се сретна со делегација од Светска банка: Се очекува економијата да се врати на нивото пред Ковид кризата
Министерот за финансии Фатмир Бесими, попладнево прими делегација од Светска банка предводена од потпретседателката на Групацијата на Светска банка за регионот Ана Бјерде. Средбата, на која присуствуваа и регионалната директорка за Западен Балкан Линда Ван Гелдер, новиот регионален директор за Западен Балкан Шиаочин Ју и претставникот на СБ во земјава Масимилијано Паолучи, се одржа во пресрет на Втората годишна конференција на Министерството за финансии која почнува утре во Скопје.
На средбата соговорниците се осврнаа на влијанието на актуелната енергетска и ценовна криза и војната во Украина, при што од страна на министерот беа напоменати мерките и политиките што ги презема Владата, а кои се на краток рок насочени кон одговор на кризата и заштита на животниот стандард на граѓаните и ликвидноста на стопанството. Како што нагласи на среден и долг рок останува заложбата на Владата за макроекономска стабилност и фискална консолидација, со цел постигнување забрзан економски раст.
„Во 2021 година, по пандемијата од Ковид 19, домашната економија закрепна согласно очекуваната динамика. Во оваа година економската активност, иако под влијание на економските последици од руско-украинскиот конфликт, се очекува таа да се врати на ниво пред ковид-кризата, односно проектирана е на ниво од 3,2 %. На среден рок се очекува таа да се интензивира со просечни стапки на раст над 5 %, рече министерот Бесими, кој изрази задоволство за поддршката што ја дава оваа финансиска инститиуција на земјата во креирање и спроведување реформи за постигнување забрзан раст.
ПОВРЗАНИ ВЕСТИ
Бесими: Се бара одржливо решение за корекција…
Министерот за финансии Фатмир Бесими вели дека…