Бизарна снимка од Русија: На покривот на Тојота пренесуваат прескап Мајбах

Необично видео се појави на каналот на Евгениј Чеботарев, познат по неуспешниот обид да ја „прелета“ Лада Нива-та од покривот на една на друга зграда.

Од истата кујна доаѓа и бизарно видео од улиците на Ростов на Дон, на кое се гледа како Mercedes-Maybach тежок над два тона се транспортира на покривот на Toyota Land Cruiser.

Интересно е што без видливи поголеми модификации на покривот, овој Land Cruiser превезува многу потежок товар од оној што го декларира производителот во официјалните податоци.

Додуша, авторите на ова неконвенционално решение составија соодветна платформа која треба да ја симулира корпата на покривот. Изненадувачки, домашната инсталација ја врши работата сосема солидно.

Во исто време, внимание беше посветено и на деталите, па руските иноватори ставија безбедносен триаголник на Maybach.

https://www.instagram.com/p/CzV8GjbIzFc/?utm_source=ig_embed&utm_campaign=embed_video_watch_again

Share on Facebook

Tweet

Follow us

Save