Биткоинот достигна историски највисока вредност!

Цените на биткоинот денеска се искачија на ново највисоко ниво на сите времиња, преминувајќи ја границата од 72.200 долари, откако британскиот финансиски регулатор соопшти дека ќе им овозможи на тамошните берзи да тргуваат со производи поврзани со криптовалути за прв пат.

Според податоците на веб-страницата за крипто размена на Binance, цената на биткоинот денеска во 12:50 часот накратко достигна вредност од 72.214,7 долари, пренесува Танјуг.

Британскиот регулатор објави во соопштението дека нема да се спротивстави на барањата од признати инвестициски берзи во ОК за тргување со должнички хартии од вредност (ETN) кои ја следат цената на криптовалутите, пренесува CNN.

Берзите треба да обезбедат соодветна заштита на професионалните инвеститори во овој сегмент од трговијата, се нагласува во соопштението.

Вредноста на биткоинот во последно време постојано расте, а во петокот за прв пат ја премина границата од 70.000 долари.

Share on Facebook

Tweet

Follow us

Save