Борел: Безбедносни гаранции за Украина во декември

Шефот на европската дипломатија, Жозеп Борел, рече дека се надева дека на самитот во декември на лидерите на ЕУ ќе им претстави предлог за безбедносни гаранции за Украина.

„Се надевам дека во декември ќе можеме да му претставиме на Европскиот совет нацрт на безбедносни гаранции за Украина“, рече Борел на прес-конференција по состанокот на министрите за одбрана на земјите од ЕУ во Брисел.
Дипломатот претходно најави дека до крајот на ноември ќе испрати делегација на експерти во Киев со цел на украинските власти да им го претстави предлогот за безбедносни гаранции на ЕУ, кои потоа ќе бидат предложени на одобрување од лидерите на ЕУ на самитот.

За воената помош за Украина

Борел додаде дека „не е астролог“ и дека не знае што ќе се случи доколку Соединетите Американски Држави ја намалат воената помош за Украина следната година.
„Советот на ЕУ не е ток-шоу, а јас не сум астролог и не знам што ќе се случи во САД следната година“. Треба да се однесуваме посериозно отколку да зборуваме за вакви шпекулации, треба да се фокусираме на сегашноста. И искрено, јас сум премногу зафатен со моите тековни работи за да губам време на шпекулации“, рече Борељ, запрашан дали ЕУ е подготвена да ја зголеми помошта за Украина доколку Вашингтон ги намали воените испораки на Киев.
Борељ не одговори дали Европската унија знае што сака да постигне во Украина.

На прашањето дали го дели мислењето на врховниот командант на вооружените сили на Украина, Валериј Залужни, дека „војната дојде во ќор-сокак“ и дека Европската унија треба да собере оружје за нова офанзива на Киев следната година со цел за да може „одлучно да ја промени ситуацијата на бојното поле“, Борељ рече дека „не знае и не треба да знае“ дали Украина има шанси за победа, нагласувајќи дека негова работа е „да ја поддржи што е можно подобро“.
„Слушајте, главниот командант на украинската армија ја знае ситуацијата подобро од мене, нема да разговарам за ситуацијата на бојното поле со него. Тој знае и дали кажал што кажал, не знам и не треба да знам дали е во право или не. Мојата работа е да го поддржам. Во војна не сме ниту вие, ниту јас, туку Украинците“, нагласи Борел.

Според него, сите министри за одбрана на ЕУ ја поддржуваат идејата за потребата да се продолжи со поддршката на Украина.
„Мораме да ја продолжиме нашата поддршка… Сите министри денеска се согласија и немаше ниту еден министер кој изрази сомневање за потребата да продолжиме да ја поддржуваме Украина во сè што можеме да направиме“, заклучи Борел.

Share on Facebook

Tweet

Follow us

Save