Борел: Остануваме верни на палестинскиот народ
![t](https://infomax.mk/wp-content/uploads/2022/08/Zhozep-Zozep-Borel-Joseph-Borell-1024x680-1.jpg)
Eвропската Унија останува верна на својата посветеност за поддршка на палестинскиот народ – порача високиот претставник на ЕУ за надворешна политика и безбедност Жозеп Борел, посочувајќи дека Европската комисија испратила нова помош во вкупна вредност од 41 милион евра.
Борел на платформата Х напиша дека 25 милиони евра од таа сума се наменети за палестинската управа, а 16 милиони евра за Агенцијата на Обединетите нации за помош и работа за палестинските бегалци (УНВА).
Борел наведе дека со оваа последна исплата, ЕК од почетокот на годинава до УНРВА испратила помош во вкупен износ од 66 милиони евра. ЕК соопшти дека доделила втора транша помош од 25 милиони евра за палестинските власти за да придонесе за исплата на платите и пензиите на палестинските државни службеници, како и 16 милиони евра за УНРВА за обезбедување основни услуги за палестинските бегалци, како што се здравство и образование.
Исплатата од 25 милиони евра е втората транша исплатена на палестинската управа како дел од пакетот помош во вкупна вредност од 118,4 милиони евра, кој беше усвоен во декември 2023 година, се наведува на веб-страницата на ЕК. Првата транша од помошта за палестинската управа од 25 милиони евра беше исплатена во март, пренесе МИА.
Со исплатата на втората транша помош од 16 милиони евра за УНРВА, помошта на ЕК за оваа агенција на ОН од почетокот на годинава се зголеми на 66 милиони евра, од вкупно 82 милиони евра помош планирана за цела година.
ПОВРЗАНИ ВЕСТИ
Највисокиот дипломат на ЕУ го критикува Израел…
Западен Ерусалим покажа „ужасен недостаток на дистинкција“…
Катар: Израел и „Хамас“ се сè поблиску…
Можен договор меѓу Израел и Хамас, тврди…
Борел: Мора да изградиме држава за Палестинците
На денешното заседание на Советот за надворешни…
Борел: Нема на повидок победа на Украина…
Имаме многу проблеми кои ќе бидат тест…
Борел и Јоурова: Новинарите се клучот во…
Во овие тешки времиња, проследени со војни,…