Борн: Хамас киднапирале неколку деца од Франција!

Француската премиерка Елизабет Борн изјави дека „неколку деца“ од Франција најверојатно биле киднапирани додека терористичката група Хамас извршила масакри во израелските заедници во саботата.

Говорејќи пред францускиот Сенат, таа рече дека владата е во контакт со семејствата на киднапираните деца без да наведе детали.

Меѓу оние за кои се верува дека се киднапирани е и 12-годишно момче по име Ејтан, кое живеело во Кибуц Нир Оз, откриваат членовите на семејството кои дале изјава за француските медиуми.

Франција соопшти дека 11 француски државјани се потврдени мртви во борбите, а 20 се водат како исчезнати, вклучително и неколку за кои се верува дека се држени како заложници.

Share on Facebook

Tweet

Follow us

Save